Esparruak – Leioa HUB – KONTUEMATE LEIOA

Esparruak – Leioa HUB

Aurrerapen

30%

Kultura eta gizarte arloetan Leioa berrikuntzako laborategi bihurtzeko beharrezko baldintzak bideratzea, lankidetza-jarduerak sustatzeko.

Leioan baldintza egokiak daude berrikuntza-laborategi handi bat sortzeko, hala kulturaren arloan, nola gizarte arloan, lehendik dauden sinergien eraginez eta azken urteotan egindako lan guztiaren ondorioz.

Hurrengo lau urteetan, sektoreko enpresei eta ekintzaileei eskainitako ekintzailetza eta berrikuntza arloetako gune bat sortzea bultzatuko dugu, zeinetan, gainera, kultura-konpainien egoitza bat osatuko den, eta sinergiak zein lankidetzak sortuko diren, udalerriko kultura-eskaintza indartuz.

Era berean, diziplina anitzeko gune bat eratuko dugu, gure herritar laborategia garatzeko, ekonomia zirkularra indartzeko eta tokiko talentua erakarriz aberastasuna sortzen laguntzeko balioko duena.

09 – Ekintzailetza eta berrikuntza kulturala sustatzeko gune bat garatzea

Ekintzailetza- eta berrikuntza-gune bat sortzea sustatuko dugu, kultura-konpainien egoitza gisa jardungo duena, eta kultura-sorkuntza eta sektoreko profesionalen arteko lankidetza eta sinergiak ezartzea ahalbidetuko duena. Espazio honekin Leioa kultur hiri gisa sustatu nahi da.

10 – Berrikuntza soziala sustatzeko diziplina anitzeko espazio bat finkatzea

Leioa HUB gizarte-berrikuntzan eta elkarlaneko ekintzailetzan errotutako espazioa eta filosofia da. Mendibilbarriko espazio berri honek diziplina anitzeko aretoak izango ditu, eta bertan Hiritar Laborategiaren, Gizarte Berrikuntzako Laborategiaren eta lankidetzazko ekintzailetza sustatzeko jarduerak garatuko dira.

Azken proiektuak

01 – Leioa Auzoetan garatzea eta auzo guztietara eramatea

Leioa Auzoetan partaidetza auzoetara hurbiltzeko pentsatutako parte-hartze prozesua da. Aurrekontu Irekien prozesu osagarri gisa, auzoen behar espezifikoak ezagutzea eta horiei erantzutea du helburu.

04 – Udalerriko hezkuntza-erakunde guztien artean Bizibideak prozesua indartzea

Bizibideak ekimenetik hamar urte baino gehiago daramatzagu haurren autonomia sustatzen. Proiektu honen bidez, herritarrak eskola-bideen erabileraren inguruan sentsibilizatu nahi ditugu, eta gero eta haur gehiago joan daitezela lagunekin eskolara.

08 – Alkatetzaren eta herritarren arteko harremana sustatzea, Alkatearekin Partekatzen prozesuaren bitartez

Alkatearekin Partekatzen, Leioako auzoetan alkatearen eta Leioako bizilagunen artean urtero egiten diren topaketak dira. Parte hartzeko espazio honek entzute aktiboa bilatzen du, kontuak emateko gune zuzena izatea eta herritarren eta erakundearen ordezkari nagusiaren arteko harreman hurbila sustatzea.