Esparruak – LURRALDE-OREKA – KONTUEMATE LEIOA

Esparruak – LURRALDE-OREKA

Aurrerapen

61.11%

Leioako auzoen birgaitzea eta hiri-garapena.

Udalerriak hiria garatzeko eta birgaitzeko aukerak ditu, era jasangarrian, orekatuan eta kohesionatuan hazten jarraitzeko ahala eskainiko diotenak. Leioak udalerria birgaitzeko eta garatzeko hainbat jarduketa abiaraziko ditu udalerriko auzoetan, oraingo agintaldi honetan zehar. Esku-hartze horiekin, asmoa dugu erabilera publikoko espazioak sortzeko, birmoldatzeko edo hobetzeko, bideratu ahal izan dezagun elkartzea, aisialdia, jarduera soziala, elkartekoa, ekonomikoa edo enpresetakoa.

Pinuetako Plan Berezia abiaraziko dugu, dagokion birgaitzea gauzatuz eta Cervantes plaza birmoldatuz. Lamiako eta Txopoetarako Plan Integrala garatuko dugu, Lamiakoko Bulebarra ondo eta Txopoeta birgaituta. San Bartolomen, pilotaleku berri bat irekiko dugu auzoan jolaserako eta aisialdirako erabilera anitzeko gune izan dadin, jolasgunea prestatuko da, eta inguru horretako ikastetxearen ataria handituko da.

Herrigunearen birmoldaketa bultzatzen jarraituko dugu, Institutua eta Kiroldegia lekuz aldatu ostean eratuko den espazioa berrantolatuta. Halaber, haur-parkeak estaltzeko lanean aurrerapausoak emango ditugu, auzo guztietan haurrentzako jolas-gune estali bat izan dezaten gutxienez, adin txikikoek eta horien familiek gozatu ahal izateko, baita eguraldi txarra dagoen egunetan ere.

Udalerriko ondare historikoari daukan balioa ematea da oreka eta kohesio sozialaren esparruan landu beharreko beste ildo bat; hari horretan, Ondizko hirigune historikoa hobetzeko esku hartuko dugu.

18 – Pinuetarako Plan Berezia abiaraztea

Pinuetarako Plan Berezi bat egingo da, Pinuetarako Ideia Lehiaketa irabazi duen proiektuan jasotako neurriak jasoko dituena. Bereziki, hirigintza jarduera bat egingo da Cervantes plazaren inguruan.

19 – Lamiako eta Txopoetarako Plan Integrala garatzea

Lamiako zonaldearen urbanizazioan aurrera egiteko, urbanizazio-proiektu bat egingo da Earle gunean. Proiektu horrek etxebizitza berriak sortzea ekarriko du, etxebizitza babestuen ehuneko handi batekin, eta inguruan oinezkoentzako boulevard berri bat egingo da. Bestalde, proiektu bat planteatzen dugu, arlo publikoaren eta pribatuaren arteko lankidetzaren bidez, metroa Txopoetatik igarotzen den tokian lurperatzeko eta udalerriari Lamiakoko dartsenaren lursaila berreskuratzeko aukera emango diona, Leioako biztanleentzat naturgune eta gozamenerako gune bat sortzeko helburuarekin.

20 – San Bartolomen garapena sustatzea, pilotalekua eta jolasgunea irekiz

San Bartolome auzoan aisialdirako gune berri bat sortuko dugu, frontoi estali bat sortuz, auzokideek eta ikastetxeko ikasleek erabil eta goza dezaten. Bestalde, frontoiarekin batera parke bat egingo da, jolas jasangarri eta inklusiboekin.

21 – Erdigunea birmoldatzeko aurrerapausoak egiten jarraitzea

Etorkizuneko Leioan pentsatzen jarraituko dugu, herriaren erdigunea birmoldatzeko azterlanak eta proiektuak planifikatuz eta garatuz, eta herritar guztientzako espazio bizigarriagoa eta atseginagoa sortzeko helburuarekin.

22 – Ondizko hirigune historikoaren ondare historikoari balioa ematea

Ondiz auzorako plan partzialaren aldaketa planifikatu eta gauzatuko dugu, gure udalerriko auzo honen historiari eta ondare historikoari balioa emateko.

Azken proiektuak

29 – Klima-aldaketara Egoitzeko Udal-plan bat eratzea eta abiaraztea

Klima-aldaketaren mehatxu globalaren aurrean, tokiko eremutik ekintzak planifikatu behar dira, klima-aldaketaren kontrako borrokan aurrera egin ahal izateko. Horregatik, udalerriko egungo egoera aztertu eta diagnostikatuko da, eta klima-aldaketara egokitzeko asmo handiko udal-plana garatuko da. Plan horretan, besteak beste, gure ingurunearen zaintza, energiaren erabilera arduratsua edo mugikortasun jasangarria barne hartzen dituzten hainbat neurri jasoko dira.

12 – Obra lizitatzea eta gauzatzea

Egindako eraikuntza-proiektua daukagunean, obra lizitatu egingo da, ondoren gauzatzeko, obra hasi eta bi urtera amaituta egon dadin.

17 – Udalerriko auzoetan irisgarritasuna hobetzeko estrategia bat garatzea

Leioako orografiak sentsibilitate handia izatera behartzen gaitu udalerriko auzoen artean komunikatzeko eta irisgarritasuna errazteko orduan. Hori dela eta, udalerriko hainbat puntutan beharrezkoak diren irisgarritasun-hobekuntzak aztertuko dira, eta hainbat hirigintza-ekintza eta jarduketa planifikatuko dira, identifikatutako arazo nagusiak konpondu ahal izateko.