Esparruak – ABERASTASUNA SORTZEA

Aurrerapen

89%

Leioa jarduera ekonomikoa eta tokiko merkataritza sortzeko gune erakargarri moduan sustatzea.

Oraingo datu ekonomikoei eta biztanleen bizi-kalitateari dagokienez, Leioa udalerri oso erakargarria da. Horrek eta aberastasuna sortzeko dauzkan eragile traktore garrantzitsuek, hala nola Euskal Herriko Unibertsitatearen Bizkaiko Campusak, edo kokapen geografikoak eta lurraldearekiko komunikazioek, haztegi aproposa eratu dute jarduera ekonomikoari inguru honetan ekin nahi dioten enpresak eta ekintzaileak erakartzeko.

Sustatu egingo dugu bai lankidetza publiko-pribatua, bai udalerrian kokatu nahi duten enpresa eta ekintzaileentzako jarduera ekonomikoen parke berri bat sortzea, bai eta Leioako enpresekin laneko taldeak abian jartzeko Euskal Herriko Unibertsitateko Campusarekin lankidetzan aritzea ere.

Tokiko merkataritza sustatzeko kanpaina berriak jorratuko dira, alde batetik, hazi dadin, eta, beste alde batetik, herritarrek bertan kontsumitu dezaten.

Udalak, Lanbideren bitartez, enplegu-planak garatzearen alde jokatzen jarraituko du, 45 urtetik gorakoek eta lehen lan-esperientzia bilatzen duten gazteek lan-merkatuan sartzeko modua izan dezaten ahaleginduz batik bat.

Azkenik, udalerrian ekintzailetza sustatzeko osoko estrategia bat planifikatuko da, emakumeen ikuspuntutik ekintzailetza sustatzean bereziki ahaleginduz.

24 – Jarduera ekonomikoen parke bat sortzeko lankidetza publiko-pribatua sustatzea, eta Euskal Herriko Unibertsitatearekin sinergiak sortzea

Leioan enpresa-parke bat sortzeko baldintzak indartu nahi ditugu, dauden eragile guztiekin sinergiak garatuz eta gure udalerrian unibertsitateak duen presentziari balioa emanez. Helburua lankidetza publiko-pribatua sustatzen jarraitzea da, gure herrian kalitatezko enplegua sortzen jarraitzeko.

25 – Tokiko merkataritza indartzen jarraitzea

Tokiko merkataritza, aberastasunaren eta kalitatezko enpleguaren adierazgarri izateaz gain, udalerriari bizia ematen dio. Horregatik, gure merkataritzarekin dugun konpromisoa erabatekoa da, eta gure helburua da hazkunde iraunkorra izatea eta merkataritza-azalera handien alternatiba bideragarria izatea.

26 – Enpleguko eta trebajuntzako planak garatzea, batik bat gazteentzat eta 45 urtetik gorakoentzat

Gaikuntzarako eta laneratzeko diagnostiko eta programa espezifikoak garatuko ditugu. Horrekin, gure helburua da Leioako biztanle guztiak lan-merkatuan sar daitezen sustatzea, talde ahulenetako bi azpimarratuz: gazteak eta 45 urtetik gorakoak.

27 – Udalerrian lan egin nahi duten ekintzaileei aholkuak eta laguntza ematea

Trebakuntza- eta laneratze-plan desberdinak bultzatzeaz gain, ekintzailetza sustatuko dugu, beren enpresa-ideia propioa garatu nahi duten herritarrei laguntzeko eta aholkuak emateko ekintzen bidez. Gure helburua ekintzaileei profesional gisa egiten dituzten lehen urratsak erraztea eta laguntzea da.

28 – Emakumeen ekintzailetza sustatzea

Ekintzailetzarako eta lan-gaikuntzarako plan orokorrez gain, emakumeen ekintzailetza azpimarratu nahi dugu, emakumeak gaitzeko ekintza espezifikoak garatuz eta egoera berean dauden emakumeekin sinergiak sortuz.

Azken proiektuak

13 – Instalazioa herritarrei zabaltzea

Obra amaitu ondoren, eta dagozkion ikuskapenak egin ondoren, kiroldegi berria irekiko zaie Leioako herritar guztiei. Horrela, udalerriak kirol-instalazio modernoak eta herritar guztien beharretara egokituak izateko helburua beteko litzateke.

28 – Emakumeen ekintzailetza sustatzea

24 – Jarduera ekonomikoen parke bat sortzeko lankidetza publiko-pribatua sustatzea, eta Euskal Herriko Unibertsitatearekin sinergiak sortzea