Esparruak – Turismoa – KONTUEMATE LEIOA

Esparruak – Turismoa

Aurrerapen

60.46%

Leioa turismo-helmuga moduan sustatzea, daukan erakargarritasun guztiari balioa emanez.

Pinosoloko basoan barneratzea, Artaza Jauregia eta parkea bisitatzea, Ondiz eta Santsoena baserri-guneetan paseatzea edo/eta Bizkaiko Txakolina Jatorrizko Deituraren Kontseiluaren egoitza den Mendibile Jauregian txakolinaz gozatzea dira gure herrian leioaztar moduan guk geuk goza ditzakegun adibide batzuk, eta, era berean, herrira datozkigunei eskaini ahal dizkiegunak.

Edozein bazterretatik etorritako bisitariek jomugatzat aukera gaitzaten arrazoiak biltzen jarraitu nahi dugu. Leioak daukan profil gastronomikoa indartuko dugu, eta turismo-sektoreko enpresak erakartzeko ekintzak sustatuko ditugu, turismorako daukagun erakargarritasuna indartzen jarraitzeko.

Ez dugu ahaztu behar Leioako ondare historiko eta industrialari balioa ematea, hori identifikatuz eta berreskuratuz, egokia bada.

37 – Turismo-sektoreko enpresak erakartzea

Datozen lau urteetan inguruko turismo-merkatua ikertuko da, sektoreko enpresak Leioan instalatu ahal izateko baldintzak betetzen laguntzeko, eta, horrela, udalerriaren turismo-erakargarritasunari balioa emateko.

38 – Udalerriko ondare historikoa eta industriala balioan jartzea

Leioan ondare historiko eta industrial handia dugu, turismoa erakartzeko balio dezakeena. Ildo horretan, gure ondarearen inbentario bat sortuko da, eta hura babestu, zaindu eta komunikatzeko ekintzak sortuko dira.

39 – Leioaren profil gastronomikoa indartzea proiektu eragiletzat hartuta

Leioan Leioako Ostalaritza Eskola edo Bizkaiko Txakolina Jatorrizko Deituraren Kontseilua bezalako eragileak ditugula aprobetxatuz, herriko gastronomia sektorea sustatuko dugu. Helburua kalitatezko turismoa sortzea da, Leioak lurraldearen gainerakoari eskain diezaiokeenari balioa emanez.

Esparruak – ABERASTASUNA SORTZEA

Esparruak – BIZITOKI ERAKARGARRITASUNA

Azken proiektuak

32 – Leioako eraztun berdea osatzeko berdeguneak sortzen jarraitzea

Leioan udalerria ipar-mendebaldean inguratzen duten hainbat eremu natural ditugu, bai eta berdegune desberdinak dituen hiri-ingurunea ere, herritar guztiek erabiltzeko eta gozatzeko. Gure konpromisoa da aztertzea eta planifikatzea nola jarrai dezakegun aurrera egiten udalerriko hiriguneak inguratuko dituen eraztun berde bat sortzeko bidean.

17 – Udalerriko auzoetan irisgarritasuna hobetzeko estrategia bat garatzea

Leioako orografiak sentsibilitate handia izatera behartzen gaitu udalerriko auzoen artean komunikatzeko eta irisgarritasuna errazteko orduan. Hori dela eta, udalerriko hainbat puntutan beharrezkoak diren irisgarritasun-hobekuntzak aztertuko dira, eta hainbat hirigintza-ekintza eta jarduketa planifikatuko dira, identifikatutako arazo nagusiak konpondu ahal izateko.

24 – Jarduera ekonomikoen parke bat sortzeko lankidetza publiko-pribatua sustatzea, eta Euskal Herriko Unibertsitatearekin sinergiak sortzea

Leioan enpresa-parke bat sortzeko baldintzak indartu nahi ditugu, dauden eragile guztiekin sinergiak garatuz eta gure udalerrian unibertsitateak duen presentziari balioa emanez. Helburua lankidetza publiko-pribatua sustatzen jarraitzea da, gure herrian kalitatezko enplegua sortzen jarraitzeko.