Esparruak – MUGIKORTASUN IRAUNKORRA

Aurrerapen

61.11%

Udalerrian irisgarritasuna hobetzea, garraiobide guztien erabilera arrazionala sustatzea eta garraio iraunkorreko ereduen alde jokatzea.

Udalerri bat bizigarria, bidezkoa eta zuzena izan dadin, guztiontzat ibiltzeko eta erabiltzeko moduko kaleak eta espazioak behar dira; irisgarritasuna da gaur egun ezagutzen dugun Leioa eraikitzeko eta garatzeko erabili dugun funtsezko printzipioetako bat.

Irisgarritasun-estrategia bat jorratu eta garatuko dugu, herritarren bizi kalitatea, ongizatea eta mugikortasuna hobetzen jarraitzeko. Estrategia horren esparruan, igogailu berri bat jarriko da Artatzaganan, Txopoeta-Ondiz bidea egokituko da eta Txorierrirako sarbide berriak gauzatuko dira, ibilbide atseginagoa eratuz.

Lejoanbusak ibilbide zabalagoak izango ditu, eta oraingo linea batzuk aldatuko ditu, zerbitzu handiagoa eta erabiltzaile gehiagorentzat eskaintzeko. Autobus elektrikoak erostea aurreikusi dugu, gutxiago kutsatzen dutenak eta ingurumena gehiago errespetatzen dutenak.

BizkaiBizi ekimena abian jarri eta garatzeak aukera ematen du bizikleta garraiobide iraunkor eta ez-kutsatzaile gisa erabil dadin bultzatzeko, bai eta Leioako eta Bizkaiko hainbat gune lotzeko ere. Ildo berean, bidegorrien sarea Leioako udalerrian bertan bateratzeko eta handitzeko eta inguruko herrietako bizikleta-sareekin lotzeko esku hartuko dugu.

Mugikortasun Iraunkorreko Plan berri bat idatziko dugu, garatu beharreko konpromisoak eta lehentasuneko ekintzak eguneratzeko eta ezartzeko.

14 – Lejoanbusaren erabilera sustatzea, zerbitzua zabalduz eta indartuz

Hiri barruko autobus zerbitzuak mugikortasun jasangarria bultzatzen du eta, egunez egun, Leioako herritarrei udalerri barruan mugitzeko aukera ematen die. Horregatik, herritarrek dituzten behar berriak aztertuko ditugu, dauden lineak hobetzeko eta ibilgailuen flota berritzeko, iraunkorragoa eta irisgarriagoa izan dadin.

15 – Bizikleta ibilgailu osasungarria eta jasangarria gisa, erabilera sustatzea

Bizikletaren erabilera sustatuko dugu, Bizkaibizi bizikleta elektrikoak alokatzeko zerbitzuaren aldeko apustua eginez, Bizkaiko Foru Aldundiarekin batera, eta udalerriko auzo berrietara iristeko bidegorri berriak hobetuz eta txertatuz. Bestalde, bizikleta pribatuentzako aparkalekuak jarriko dira. Hori guztia, bizikletaren aldeko apustua egiten jarraitzeko, garraio metodo iraunkor eta osasungarri gisa.

16 – Mugikortasun Iraunkorreko Plan berria garatzea

Mugikortasun Iraunkorreko Plan berri bat diseinatu eta ezarriko dugu, ingurumenarekin inplikatutako gizarte gisa hazten jarraitzeko helburuarekin, pertsona guztien beharrez arduratzen dena.

17 – Udalerriko auzoetan irisgarritasuna hobetzeko estrategia bat garatzea

Leioako orografiak sentsibilitate handia izatera behartzen gaitu udalerriko auzoen artean komunikatzeko eta irisgarritasuna errazteko orduan. Hori dela eta, udalerriko hainbat puntutan beharrezkoak diren irisgarritasun-hobekuntzak aztertuko dira, eta hainbat hirigintza-ekintza eta jarduketa planifikatuko dira, identifikatutako arazo nagusiak konpondu ahal izateko.

Esparruak – ABERASTASUNA SORTZEA

Azken proiektuak

11 – Eraikuntza-proiektuaren erredakzioa

Legealdiaren lehen zatian, udalerrirako kiroldegi berri bat eraikitzeko beharrezkoak diren proiektuak idatzi nahi ditugu.

31 – Energia-autokontsumoaren alde jokatzea

Klima-aldaketaren aurkako borrokan, kontsumitzen dugun energiaren erabilera arduratsua eta energia hori garbia izatea administrazio publiko guztien erantzukizuna da. Horregatik, hainbat proiektu aztertu eta planifikatuko dira, ahal den neurrian udal-eraikinetan energia-autokontsumorako estrategia txertatu ahal izateko.

25 – Tokiko merkataritza indartzen jarraitzea

Tokiko merkataritza, aberastasunaren eta kalitatezko enpleguaren adierazgarri izateaz gain, udalerriari bizia ematen dio. Horregatik, gure merkataritzarekin dugun konpromisoa erabatekoa da, eta gure helburua da hazkunde iraunkorra izatea eta merkataritza-azalera handien alternatiba bideragarria izatea.