Esparruak – BIZITOKI ERAKARGARRITASUNA

Aurrerapen

56.5%

Etxebizitza babestuak sustatzea eta oraingo etxebizitzen parkea hobetzea, zuzkidura-etxebizitzak eraikitzeko beharrezko lankidetza bideratzea eta unibertsitate-eremuan etxebizitzarekin lotutako aukerak baliatzea.

Leioako etxebizitza-eskaintza izan da azken urteotan udalerriaren ezaugarri erakargarrienetako bat, bai leioaztarrek udalerrian geratzea erabaki dezaten, bai herritar berriek hona etortzea erabakitzeko.

Erakargarri izateari eutsi nahi diogu, inor atzean utzi gabe. Alde batetik, aukera gehiago sortu nahi ditugu etxebizitza babestuen eta alokairu sozialeko etxebizitzen parkea handituta, eta, beste alde batetik, dauzkagun etxebizitzak mantenduta eta hobetuta, hainbat dirulaguntzaren bidez.

Autonomiarako, independentziarako eta garapen pertsonal edo familiarrerako funtsezko gunea da guretzat etxebizitza, bizitzako etapa jakin batzuetan batez ere. Horregatik, beharrezkoak diren zuzkitzeko bizitokiak sortzeko baldintzak bideratuko ditugu, zuzkitu beharrezkotzat jotako kolektiboak tarte batean edo aldi baterako horietan bizi daitezen; adinekoak, gazteak, zaurgarritasun egoeran dauden familiak.

Azkenik, Euskal Herriko Unibertsitate Publikoa gure udalerrian kokatzeak unibertsitatearekin lotuta dauden ekimenak garatzeko atea irekitzen digu, arlo akademikoaz harago. Horiek horrela, agintaldi honetan aurrera jarraituko dugu Leioan unibertsitate-egoitza bat sortzeko bidean.

33 – Etxebizitza baestuen eta alokairu sozialaren parkea handitzearen alde jokatzen jarraitzea

Udalerri solidarioa, bizigarria eta atsegina izaten jarraitu nahi dugu herritar guztiekin. Horregatik, plangintza jasangarria garatzen jarraituko dugu, etxebizitza babestuaren eta alokairu sozialaren parkea handitzea ahalbidetuko duen estrategia garatzeko.

34 – Udalerrian unibertsitate-egoitza bat sortzeko aurrerapausoak ematea

EHUko Campuseko egoitza edukitzean dauden sinergiak baliatuko ditugu ikasle-egoitza bat sortzeko, unibertsitate-hiri, hiri gazte eta askotariko gisa hazten jarraitzeko.

35 – Zuzkitzeko bizitokiak sortzeko beharrezko baldintzak bideratzea

Udalaz gaindiko administrazioekin hitzarmenak garatzeko behar den erakunde-lana egingo dugu, udalerrian zuzkidura-bizitokien parkea izateko.

36 – Udalerrian etxebizitza-parkea hobetzea sustatzea

Udalerriko egungo etxebizitza-parkea birgaitzearen eta hobetzearen aldeko apustua egiten jarraituko dugu, dirulaguntzen plan bat sortuz, auzotarren erkidegoei hobetzeko jarduerak egitea erraztuko diena, eraikinen eraginkortasun energetikoarekin zerikusia duena nabarmenduz..

Azken proiektuak

23 – Udalerriko hainbat eremutan haur-parkeak estaltzen jarraitzea

Estaldura-proiektuak garatzen jarraituko dugu, eremu bakoitzean eguraldi txarrerako prestatutako parke bat egon dadin, gutxienez. Proiektu horiek mailaka egingo dira, eta helburua izango da udalerriak haurren jolasarekin duen konpromisoaren alde egiten jarraitzea.

19 – Lamiako eta Txopoetarako Plan Integrala garatzea

Lamiako zonaldearen urbanizazioan aurrera egiteko, urbanizazio-proiektu bat egingo da Earle gunean. Proiektu horrek etxebizitza berriak sortzea ekarriko du, etxebizitza babestuen ehuneko handi batekin, eta inguruan oinezkoentzako boulevard berri bat egingo da. Bestalde, proiektu bat planteatzen dugu, arlo publikoaren eta pribatuaren arteko lankidetzaren bidez, metroa Txopoetatik igarotzen den tokian lurperatzeko eta udalerriari Lamiakoko dartsenaren lursaila berreskuratzeko aukera emango diona, Leioako biztanleentzat naturgune eta gozamenerako gune bat sortzeko helburuarekin.

24 – Jarduera ekonomikoen parke bat sortzeko lankidetza publiko-pribatua sustatzea, eta Euskal Herriko Unibertsitatearekin sinergiak sortzea

Leioan enpresa-parke bat sortzeko baldintzak indartu nahi ditugu, dauden eragile guztiekin sinergiak garatuz eta gure udalerrian unibertsitateak duen presentziari balioa emanez. Helburua lankidetza publiko-pribatua sustatzen jarraitzea da, gure herrian kalitatezko enplegua sortzen jarraitzeko.