Esparruak – FEMINISMOAREN ILDOAN

Aurrerapen

80%

Komunitate irekia, elkarlanekoa eta feminista sortzen jarraitzea.

Inklusioaren eta berdintasunaren alde jokatuko dugu, etorkizun hobea izateko funtsezko atalak direlakoan.

Politika feministak garatzea sustatuko dugu, Emakumeen Herri Etxea eta Emakumeen Kontseilua sortzeko beharrezko baldintzak eratuta.

Ekimen horiekin batera, Leioako V. Berdintasun Plana abiaraziko dugu, eta, gainera, prebentzioko jorratze psikologikoko programa bat eta indarkeria matxistaren aurkako hezkuntza-programa bat garatuko ditugu.

40 – Emakumeen Herri Etxearen alde lan egitea

Leioako Emakumeen Etxea garatuko dugu, emakumeen topagunea izango dena, bizitzaren esparru guztietan emakumeen eta gizonen arteko benetako berdintasun eraginkorra sustatzeko.

41 – Emakumeen Kontseilua abiaraztea

Leioako Udalean garatzen diren berdintasun-politiketan emakumeek eta mugimendu feministak parte hartuko dutela bermatzeko, Leioako Emakumeen eta Gizonen Berdintasunerako Kontseilua sortuko dugu, parte hartzeko eta komunitatea sortzeko espazio bat, elkarrizketa egonkor batean oinarritua.

42 – V. Berdintasun Plana garatzea

Leioako Berdintasunerako V. Plana garatuko dugu, emakumeen eta gizonen arteko berdintasuna Leioako antolamendu ekonomiko eta sozialaren erdigunean kokatzeko plangintza-tresna izaten jarrai dezan.

43 – Emakumeei zuzendutako prebentzioko jorratze psikologikoko programa bat abiaraztea

Leioako emakumeei psikologikoki heltzeko programa bat abian jartzea da helburua.

44 – Gazteen esparruan indarkeria matxista prebenitzeko hezkidetza-programetan lanean jarraitzea

Udal hezkidetzako programa bat garatuko dugu, tailerren, jardunaldien eta gazteen eremuan indarkeria matxista prebenitzeko materialen sorkuntzaren bidez. Hezkidetza-eskola honen helburua da pertsonen garapen integralean heztea, sexuaren araberako estereotipoak eta rolak alde batera utzita, eta diskriminazio eta indarkeria mota guztiak baztertzea.

Azken proiektuak

56 – Herri Kirolen alde egiten jarraitzea

Kultura eta gazteria arloan uste dugu gizarteak garatzeko beharrezkoa dela ohiturak, folklorea eta tradizioak mantentzea. Apustu estrategikoa eta zeharkakoa da, memoria historikotik hasi eta aisialdi osasungarriraino. Leioako Herri Kirolen sustapenarekin batera, gure kulturaren eta folklorearen aldeko apustua egiten jarraitu nahi da elizateko aurreskuaren, jota lehiaketaren, aurresku lehiaketaren eta bertso saio programazioen bidez, kalean zein aretoan.

64 – Nahi gabeko bakardadea prebenitzeko ekintzak planifikatzea

Ekintza integraleko eta komunitarioko estrategia bat diseinatuko dugu, nahi gabeko bakardadeari heltzeko, adineko pertsonen eta kalteberatasun-egoeran dauden kolektiboen kasuan; estrategia horrek bakarrik sentitzen diren pertsonak prebenitzen, detektatzen eta laguntzen lagunduko du.

52 – Zainketen Mahai Sektoriala eratzea

Aholkularitza-foro bat sortu nahi dugu, ikuspegi integral batetik zainketa-lanak duintzeko eta aitortzeko. Zainketaren sektore guztietako eragileak bilduko dituen mahaia da, zaintza integraleko, komunitarioko eta inklusiboko politikan aurrera egiteko.