Esparruak – SASOIAN OSASUNTSU

Aurrerapen

80.4%

Bizimodu osasungarria sustatzea, herritar guztientzat kirola egiteko espazio berriak eratuz eta kalitatezko kirol-eskaintza bultzatuz.

Kirola eta osasuna estu lotuta daudenez, bizi-ohitura osasungarriak txikitatik sustatu beharra dago, eta herritar guztiei zabaldu, norbere adina eta egoera fisikoa dena delakoa izanik ere. Osasun Parke bat jarriko dugu abian, bai herriko gazteek eta bai adinekoek hainbat jarduera fisiko egiteko aukera emango duena.

Kirolean eta osasunean berdintasuna sustatzen jarraituko dugu, Leioa Ibilaldi Osasungarriak edo Kirola eta Familia bezalako planen bitartez, eta aire zabaleko hainbat kirol-jarduera egingo dira udalerriko auzo guztietan. Kirola eta osasuna bultzatuko ditugu gazteen artean, kirol-jarduera berriak aldeztuz, lehendik daudenak ezagutaraziz eta elikadura osasungarria zein alkoholaren kontsumoarekiko prebentzioa bultzatzeko hezkuntza-planak garatuz.

Kirol inklusiboa aldezten jarraitu nahi dugu, dibertsitate funtzionala duten pertsonek kirola egiten parte har dezaten bultzatuz. Horretarako, desgaitasunen bat duten kirolariek norbere jarduera kirolerako ingurune edo egitura normalizatuetan egin dezaten babesten jarraituko dugu, eta kirol egokitua sentsibilizatzeko eta bistaratzeko plan bat garatuko dugu ikastetxeetan zein kaleetan.

Adikzioen Udal Planaren jarraipena eta egoki betetzea bultzatuko da. Kirol-elkarte guztien artean parte hartzeko espazioen alde jokatzen jarraituko dugu, Leioa Identitatea Kiroletan eta Leioa Marka gaiekin lotutakoak elkarlanean lantzeko aukera emango digun kluben sarea ehuntzeko asmoz.

Azkenik, Zainketen Mahai Sektoriala garatuko dugu, arreta pertsonalizatuko eta komunitarioko eredu baterantz aurrera egiten jarraitzeko, oraingo eta etorkizuneko gizartearen erronkei aurre egin ahal izateko.

45 – Osasun-parke bat osatzea, adin guztiei zuzendutako jarduera fisiko iraunkorra garatzeko

Osasunaren Parkea Leioako herritar guztientzat pentsatutako aisialdirako eta ariketa fisikoa egiteko espazio bat aire zabalean edukitzeko proposamena da, adina edo egoera fisikoa edozein dela ere. Horretarako, espazio bereiziak izango ditu, egiten diren jardueren arabera.

46 – Kirolaren eta osasunaren artean berduntasuna bultzatzea

Hainbat jarduera planifikatuko dira, haurren obesitateari aurre egiteko, jarduera fisikoaren garapena sustatzeko eta kirolean txertatzen jarraitzeko. Gure helburua da kirola izatea gizarte zuzenago eta osasuntsuago baterantz aurrera egiteko bidea.

47 – Kirola udalerriko auzoetara eramatea, Kirola Auzoetan planaren bihartez

Kirol instalazio guztietan egiten diren kirol jardueren osagarri, Leioako auzoetara hurbildu nahi dugu kirola. Horretarako, hainbat jardunaldi egingo dira, non Leioako herritarrek adin guztietarako kirol jarduerak egin ahal izango dituzten.

48 – Gazteen artean kirola indartzea

Gazteen artean kirola sustatzen jarraituko dugu, kirola hazteko funtsezko elementua gisa. Hainbat kirol-jarduera egingo dira udalerriko hainbat tokitan eta behin eta berriz.

49 – Kirol inklusiboa sustatzea, Kirola Guztientzat prozesuaren bitartez

Kirol-jarduera inklusiboak bultzatzen jarraituko dugu, udalerriko herritar guztiek kirolaz goza dezaten, kirol-jardueraren baten bidez edo udalerrian urte osoan zehar garatzen diren belaunaldien arteko kirol-jardueren bidez.

Azken proiektuak

62 – Gizabidezko balioetan oinarrituta dagoen hezkuntzaren alde egiten jarraitzea

Beste eragile batzuekin batera, hala nola berdintasun-arloarekin, ikastetxeetako zuzendaritzekin eta guraso-elkarteekin batera, programak, hitzaldiak eta jardunaldiak garatzen jarraituko dugu, hainbat balio sustatzeko, hala nola feminismoa, substantziarik ez kontsumitzea edo beste batzuk, gure haurrei eta nerabeei gure komunitatean hazteko aukera emango dietenak.

40 – Emakumeen Herri Etxearen alde lan egitea

Leioako Emakumeen Etxea garatuko dugu, emakumeen topagunea izango dena, bizitzaren esparru guztietan emakumeen eta gizonen arteko benetako berdintasun eraginkorra sustatzeko.

64 – Nahi gabeko bakardadea prebenitzeko ekintzak planifikatzea

Ekintza integraleko eta komunitarioko estrategia bat diseinatuko dugu, nahi gabeko bakardadeari heltzeko, adineko pertsonen eta kalteberatasun-egoeran dauden kolektiboen kasuan; estrategia horrek bakarrik sentitzen diren pertsonak prebenitzen, detektatzen eta laguntzen lagunduko du.