Esparruak – KULTURALA ETA HEZITZAILEA

Aurrerapen

82%

Kultura eta hezkuntza inklusiboaren alde jokatzea, hezkuntza eta kultura arloetako programen bidez eta programa horiek txertatzeko espazio berriak garatuz.

Leioan udal estrategiaren zati garrantzitsua izan da beti kultura sustatzeko apustu egitea, eta hori urtero gauzatzen da, hain zuzen, askotariko proposamenez betetako kultur agenda zabalean, oihartzun handiko bi ekitaldirekin: Umore Azoka eta Nekazaritza eta Abeltzaintza Azoka.

Leioak nabarmen aldezten du hezkuntza, gizarte bidezkoagoa eta kohesionatuagoa eratzeko tresna moduan ulertuta, esparru horretan egindako ahaleginak adin txiki-
koei zein helduei zuzenduta. Horren harira, esate baterako, familien arteko prestakuntza sustatuko da, Familia Gunea programaren bitartez; ekimen horrek haurren hazkuntza, bizikidetza eta hezkuntza izango ditu ardatz. Bizkaiko Euskal Herriko Unibertsitatearen egoitza garela baliatuko dugu Leioa unibertsitate-herri izatearen alde egiten jarraitzeko, ezagutzak transmititzeko garaian Unibertsitatearekiko harremanak estuagoak izan daitezen jarraitzeko edo ikasle-egoitza bat sortzeko bidean aurrera jotzeko.

Leioa zinemaren herri moduan bultzatuko dugu, lehendik dagoen eskaintza handitzeko lanean ekinez, grabazioak erakartzeko dugun gaitasuna garatuz, eta zinemaren zein antzerkiaren bitartez balioekin hezteko dauden programei eutsiz. Txopoetan Kultur Gune berria egitearen alde gaude, auzoko herritarrak eta elkarteak batu daitezen han; auzoko jarduera dinamizatzeko kultur tailerrak eskainiko ditugun gunea izango da, aldi berean komunitatea josten gabiltzan bitartean.

5 urtetik 12 urtera bitarteko haurrei zuzendutako Ludoteka Txiki bat garatuko dugu, umeei gozatzeko espazio espezifiko bat eskaini ahal izateko. Animalien ongizatea eta adopzio arduratsua sustatzearen inguruan sentsibilizatzeko programak eta jarduerak ezartzearen alde jokatzen jarraituko dugu. Azkenik, udalerri osoan kultura bultzatuko dugu gure auzo guztietara kultur ekitaldiak eramanda, eta gizalegezko hainbat programa lantzen jarraituko dugu, hala nola ongizate emozionaleko tailerrak edo Leioako Zurrumurruen Aurkako sarea.

57 – Familia Gunea programa abiaraztea

Familia Gunea programaren bidez, familiei lagundu nahi diegu adingabeen hazkuntzarekin eta hezkuntzarekin lotutako gaietan, hainbat tailer, jarduera eta prestakuntza-ikastaroren bidez, adingabeen adinaren arabera. Hona hemen programa honetan egiten diren jardueren adibide batzuk: haur-masajea, psikomotrizitatea, ipuinak lehen adinetan edo nerabeen familientzako prestakuntza-ikastaroak

58 – Leioa unibertsitate hiritzat hartuta, apostua egiten jarraitzea

Kulturaren zeharkakotasuna eta hezkuntzarekin duen harreman estua abiapuntutzat hartuta, garrantzitsua da Leioako udalerriaren eta hezkuntza-komunitatearen arteko komunikazio-zubiak eraikitzea, bereziki unibertsitate-eremuari dagokiona. Bi erakundeen baliabideak batzearen bidezko sinergiak dira, helburu eta metodologia argiak dituztenak, azken batean gizarte kohesionatua lortzeko hausnarketa eta ekintza ekarriko duen lan-sistematika bat sortuko dutenak.

59 -Leioa zinema hiri gisa bultzatzea

Ukaezina da Bizkaiko Foru Aldundiak sustatutako pizgarri fiskalek zinema-ekoizle handien fokua jarri dutela Bilbo Handiko udalerrietan. Leioak eraikin historiko erakargarriak eta paisaia naturalak ditu, gizartean oihartzun handia duten filmaketak erakar ditzaketenak, udalerria oroimen kolektiboan kokatuz. Arte eszenikoen botere eraldatzailea, ikus-entzunezko formatuan zein zuzenean, agerian geratzen da diziplina horiek Kultura eta Gazteria arloko programazio egonkorretan duten eskaintza handian.

60 – Txopoetan Kultur Gune berri bat abian jartzea, eta umeentzako Ludoteka Txiki baten proiektua garatzea

Proiektu honekin, Leioako herritarrei, oro har, eta txikienei bereziki, aisialdirako bi espazio berri eman nahi dizkiegu, dagoeneko eskaintzen ari diren zerbitzuak osatzeko, bai erdialdean, bai Lamiako-Txopoeta auzoan.

61 – Kultura Auzoetan proiektuaren bidez, udalerri osoan kultura-ekitaldiak egin daitezen bultzatzea

Leioako errealitatea ulertu behar da, antolamendu garrantzitsua baitu auzoetan, fisikoki elkarrengandik urrun. Errealitate hori eta kulturaren demokratizazio eraginkorraren garrantzia abiapuntutzat hartuta, beharrezkoa da gertaera kulturala deszentralizatzea. Kultura eta Gazteria Sailak urte osoan zehar auzoetan kultur ekintzen programa egonkor baten aldeko apustua egin du. Eskaintza plurala, anitza eta kalitatezkoa da, publiko mota guztiei zuzendua, eta Leioako edozein herritarrek kulturara iristeko duen gaitasuna bermatzen du. Umore Azoka erreferentea izanik, arlo honek uste du beharrezkoa dela auzoetako bizitzan ere presente egotea, eta Umore Auzoka programa sortu du, kaleko arte eszenikoen azoka nagusiaren atari deszentralizatua.

Azken proiektuak

58 – Leioa unibertsitate hiritzat hartuta, apostua egiten jarraitzea

54 – Herritarrek euskara ikastea sustatzeko, Mastitxu Euskaltegia Leioako Udalaren eskaintza berri bat planifikatzea

Helburua Mastitxu Euskaltegiaren eskaintza berria eguneratzea da, Leioako herritarren hezkuntza-premia berrietara. Eskaintza arautuena osatu beharko litzateke, euskararen erabilerarekiko hurbilketa praktikoago gisa pentsatutako eskaintzarekin.

46 – Kirolaren eta osasunaren artean berduntasuna bultzatzea

Hainbat jarduera planifikatuko dira, haurren obesitateari aurre egiteko, jarduera fisikoaren garapena sustatzeko eta kirolean txertatzen jarraitzeko. Gure helburua da kirola izatea gizarte zuzenago eta osasuntsuago baterantz aurrera egiteko bidea.