Leioako Agintaldi Plana ebaluatzeko tresna honen helburua da herritarrei ikuspegi argia, gardena eta eguneratua ematea Gobernu Taldeak hartutako konpromisoen betetze-mailari buruz.
Plataforma horren bidez, edonork jakin ahal izango du, Agintaldi Planaren aurrerapen orokorra ez ezik, Agintaldi Plana osatzen duten proiektu bakoitzaren egoera zehatza ere. Horrela, udal-lanaren jarraipen publiko eta eskuragarria errazten da, kontuak ematea eta herritarren parte-hartzea sustatuz.
Tresna hori, beraz, beste urrats bat da Leioako Udalak gardentasunarekin, eraginkortasunarekin eta hurbiltasunarekin duen konpromisoan, herritarrek zuzenean jakin dezaten nola gauzatzen diren agintaldian udalerria hobetzeko aurreikusitako ekintzak.
Esparruen arteko lehena Leioa irekia da. Partaidetza-ereduetan erreferente izaten jarraitzeko aukera emango diguten 3 erronka eta 10 proiektu antolatu ditugu, horiez baliatuta Administrazio ireki baterantz ibiltzen jarraitzeko asmoz, egiazko Gobernantza Onaren zutabeetan oinarrituko dena, ildo nagusi izango dituena gardentasuna eta kontuak argi azaltzea. Eta modernizatzen ere lagunduko digute, gure udalerria berrikuntzako laborategi bihurtuz, zeinetan gizarte eta komunitate moduan hazten jarraitzeko aukera emango diguten proposamenak aztertu, baloratu eta/edo garatu ahal izango diren.
Premisa horien arabera, Leioa udalerri bideragarriagoa bihurtuko dugu, era parte-hartzailean eta elkarlanean, guztion artean eraikita.
Parte hartzeko ekosistemak
Gobernantza eta gardentasuna
Leioa HUB
Bigarren esparru estrategikoa Leioa bizigarria da. 7 erronka eta 29 proiektu. Bizigarri kontzeptuak duen esanahi zabalaz jabetuta eta hori geure gain hartuta, herritarrentzako Leioa adeitsua eta atsegina osatzea helburu dugu.
Hala, gure hirigintzako proiektuek eta esku-hartzeek zeharkako helburutzat izango dute beti espazio publikoak gizartea eta komunitatea kohesionatzeko tresna moduan erabiltzea. Gozatzeko, parte hartzeko, egoteko eta partekatzeko guneak.
Ingurumenarekiko dugun konpromisoan aurrera joko dugu, Leioa jasangarria bideratuko duten ekimenekin. Orain arte bezala, berdeguneak izango dira gure hirigintza-paisaiako protagonistak.
Talentua eta inbertsioa garatzeko udalerri erakargarri moduan bereiziko gaituzten sustapen ekonomikorako aukerak bilatu eta baliatuko ditugu, daukagun aberastasunari eta ondareari berez duen balioa emanda, udalerriak jomuga turistiko izateko daukan gaitasuna garatzeko.
Torresoloko kiroldegia
Mugikortasun iraunkorra
Lurralde-oreka
Aberastasuna sortzea
Energia eta ingurumen arloetako konpromisoa
Bizitoki-erakargarritasuna
Turismoa
Hiru esparruetako azkena Leioak zaindu egiten zaitu izenekoa da. Pertsonak ditugu lehentasun, horiek dauzkaten beharrei eranÂtzutea, duten ongizatea eta bizi-kalitatea handitzea. 5 erronka eta 31 proiektu finkatu ditugu.
Leioan sakon sustraituta daude berdintasunaren, elkartasunaren, gizarteratzearen eta aniztasunaren balioak. Adin txikienetatik helduenetara arte, lanean jarraituko dugu inor atzean gera ez dadin, zabal hedatuz bai gizarte-zerbitzuen zorroa, bai laguntzeko, sentsibilizatzeko eta prestakuntzarako programak, gizarte abegikor bidezkoa izateko aukera emango digutenak, kide guztiek norbere bizi-garapenean alea jartzeko aukera izango duten pertsonen komunitatea.
Eta hori guztia, gure sustraiak ahaztu gabe egingo dugu, Leioa errotik batzen jarraituz kulturarekin, gure nortasunarekin, gure izateko moduarekin.
Udal-planei lotuko zaizkie beste erakunde batzuekin elkarlanean egindako ahalegina eta lana, Leioatik abiatuta, Bizkaia eta Euskadi gero eta hobeak izan daitezen aurrera jotzeko. Hurrengo lau urteetan, sakonera handiko proiektuak garatuko ditugu, orain ezagutzen dugun Leioa aldatu eta hobetuko dutenak; Avanzada estaltzea, Institutu berria eraikitzea…
Feminismoaren ildoan
Sasoian, osasuntsu
Sustraituta
Kulturala eta hezitzailea
Solidarioa, anitzekoa eta inklusiboa
Últimos proyectos
