Ambito – Leioa Bizi – KONTUEMATE LEIOA

LEIOA BIZI

Leioak herritarrei eskaintzen dien bizikalitatea da udalerriaren alderdi baloratuenetako eta aitortuenetako bat.

Azken urteotan, lanak, ahaleginak eta herritarrekiko konpromisoak kalitatezko zerbitzuak garatzera eraman gaituzte, leioaztar guztien beharrei eta eskaerei gero eta egokiago eta eraginkorrago erantzuteko.

AURRERAPEN

60.46%

ESPARRUAK

Torresoloko kiroldegia

Torresolo kiroldegia eraikitzeko proiektuaren erredakzioa, lizitazioa, obra garatzea eta instalazioa martxan jartzea.

Mugikortasun iraunkorra

Udalerrian irisgarritasuna hobetzea, garraiobide guztien erabilera arrazionala sustatzea eta garraio iraunkorreko ereduen alde jokatzea.

Lurralde-oreka

Leioako auzoen birgaitzea eta hiri-garapena.

Aberastasuna sortzea

Leioa jarduera ekonomikoa eta tokiko merkataritza sortzeko gune erakargarri moduan sustatzea.

Energia eta ingurumen arloetako konpromisoa

Klima-aldaketak dakartzan erronkei ekitea, energiaren kontsumo arduratsua aldeztea eta berdegune gehiago sortzea.

Bizitoki Erakargarritasuna

Etxebizitza babestuak sustatzea eta oraingo etxebizitzen parkea hobetzea, zuzkidura-etxebizitzak eraikitzeko beharrezko lankidetza bideratzea eta unibertsitate-eremuan etxebizitzarekin lotutako aukerak baliatzea.

Turismoa

Leioa turismo-helmuga moduan sustatzea, daukan erakargarritasun guztiari balioa emanez.

Horrez gain, proiektuak gidatu eta bultzatu ahal izan ditugu, berdegune osasungarriei lehentasuna emanez eta gure auzoetako ongizatea hobetuz, horiek espazio atseginagoak eta hobeto baliatuak bihurtuz.

Jarraitu behar duten hobekuntzak eta aurrerapenak dira horiek. Jakin badakigu gaur egun Leioan daukagun bizi-kalitatearen estandar altuari eusteko, jarraitu egin beharko dugula eraldaketa sozial eta urbanistiko iraunkor, berritzaile eta orekatuaren abangoardian mantentzen gaituzten urratsak ematen eta garatzen.

Udalerri bizigarria izan nahi dugu, herritarrentzako atsegina, aisialdirako, atsedenerako eta gozamenerako espazio eta gune berdeekin; bizitzeko, egoteko, partekatzeko eta gozatzeko gogoa pizten duen udalerria.

Gizon-emakume guztientzat bizigarria izango den Leioa.

Azken proiektuak

39 – Leioaren profil gastronomikoa indartzea proiektu eragiletzat hartuta

Leioan Leioako Ostalaritza Eskola edo Bizkaiko Txakolina Jatorrizko Deituraren Kontseilua bezalako eragileak ditugula aprobetxatuz, herriko gastronomia sektorea sustatuko dugu. Helburua kalitatezko turismoa sortzea da, Leioak lurraldearen gainerakoari eskain diezaiokeenari balioa emanez.

38 – Udalerriko ondare historikoa eta industriala balioan jartzea

Leioan ondare historiko eta industrial handia dugu, turismoa erakartzeko balio dezakeena. Ildo horretan, gure ondarearen inbentario bat sortuko da, eta hura babestu, zaindu eta komunikatzeko ekintzak sortuko dira.

37 – Turismo-sektoreko enpresak erakartzea

Datozen lau urteetan inguruko turismo-merkatua ikertuko da, sektoreko enpresak Leioan instalatu ahal izateko baldintzak betetzen laguntzeko, eta, horrela, udalerriaren turismo-erakargarritasunari balioa emateko.