LEIOA IREKIA
Leioan ahaldundutako pertsonek osatutako gizarte heldua daukagu,
administrazioarekin aurrez aurre aritzen diren herritar eta erabakiak hartzerakoan erantzunkidetasuna
eskatzen dutenak.
Azken urteotan, Leioa parte-hartzailea eta irekia eraikitzen aritu gara, herritarren eta erakundearen artean zeuden oztopoak eraitsiz, administrazio irekiari bide eman ahal izateko, aditzean eta egiazko parte-hartze eraginkorrean oinarritutako gobernantza-eredu berri batean oinarrituta.
AURRERAPEN
Komunitate parte-hartzailea sustatzea eta komunitatearen garapena bultzatuko duen ingurunearen alde jokatzea.
Jakin badakigu zer-nolako urratsak eman ditugun, baina, orobat, badakigu hiru erronka handi dauzkagula, eta hurrengo lau urteetan horiei ekin beharko diegula, komunitate moduan hazten jarraitu ahal izateko.
Duela 20 urtez baino gehiagoz geroztik, gure kudeatzeko moduaren baitan dago herritarrek parte hartzea, apustu irmoa eginez parte hartzeko prozesuen eta ereduen arloan erreferente bihurtu gaituena.
Herrigunerekin aurrena, eta egin ditugun parte-hartze prozesu guztiekin gero, Parte Hartzeko Ekosistema propioa sortu dugu, eta horretaz harro gaude.
Ekosistema hori hazteko eragitea da hurrengo urteetarako dugun apustua, prozesu berriak garatuz, herritar guztiek parte hartzen jarraitu ahal izateko eta gure gizartearen garapen komunitarioan laguntzeko.
Erakunde bezala daukagun konpromisoa eta betebeharra kalitatezko zerbitzuak mantentzea da, horiek garatzeko efizientziako eta eraginkortasuneko printzipioak txertatuta. Horretarako, erakunde irekiaren eredua garatzen jarraituko dugu, herritarrekiko adeitsu, etengabe hobetzen, sektore publikoko berrikuntzaren paradigmaren baitan.
Leioa Zugandik Hurbil proiektuari esker, azken urteotan erakundea eraldatzen eta modernizatzen jarraitu dugu, hainbat zerbitzu garatuz eta ezarriz, hala nola Herritarrei Arreta Emateko Zerbitzu Integrala (HAZ) garatzea edo izapideetako asko
Egoitza Elektronikoaren bitartez digitalizatzea.
Erakundearen eta herritarren arteko harreman irekiagoa, gertukoagoa eta erantzunkideagoa garatzen jarraitzea dugu helburu.
Berrikuntza da gizarte gisa hazteko aukera ematen digun motorra, ingurunearekin arduratsua den komunitatean garapena bultzatuz.
Ikuspegi berritzailea gure kudeatzeko politiken eta ereduen ezaugarri bat da dagoeneko, baina berrikuntza herriko kaleetara iristea nahi dugu. Leioa laborategi bihurtzea dugu erronka, bai garapen komunitarioan, ekintzailetzan zein berrikuntza kulturalean, bai eta elkarlaneko ekonomia sustatzeko lanean ere.
Pertsona guztientzako Leioa bideragarria nahi dugu, pertsona guztien artean eraikia.
Azken proiektuak
